जालना । उडान ग्रुपतर्फे दिपावली सणानिमित्त छत्रपती शिवाजी महाराज पुतळा परिसरातील गुरू गणेश भवन येथे आयोजित महा खरेदी मेळाव्याचे उद्दघाटन शनिवारी ( ता. 15) सकाळी 10.00 वा. माजी नगराध्यक्षा सौ. संगीताताई कैलास गोरंट्याल यांच्या हस्ते होणार असून दोन दिवस जालनेकरांना खरेदी ची सुवर्ण संधी मिळणार आहे.
स्थानिक महिला उत्पादकांना बाजारपेठ उपलब्ध करून देण्यात अग्रेसर असलेल्या ” उडान” ग्रुपने या पुर्वी केलेल्या महा खरेदी मेळाव्यांना उदंड प्रतिसाद लाभला. आगामी दीपावली सणाच्या पार्श्वभूमीवर आयोजित महा खरेदी मेळाव्याबाबत उडान च्या संस्थापिका कीर्ती अग्रवाल यांनी सांगितले की, शनिवार व रविवार सकाळी 10 ते राञी 10 या वेळेत होणाऱ्या महा खरेदी मेळाव्यात दिपावली, भाऊबीज सणानिमित्त शुद्ध मोती ज्वेलरी, सोने,चांदीचे दागिने, वस्तू ,कपडे, साडी, ड्रेसेस, सौंदर्यप्रसाधने, केक, सजावट साहित्य, खाद्यपदार्थ , गिफ्ट कार्ड ,ज्वेलरी ,कुकिंग क्लासेस ,देवांची वस्ञे,केसांसाठी लागणारे तेल,शॅम्पू, घरस्वच्छता, पर्स,बास्केट, पादञाणे, सेंद्रिय गुळ, अशा उपयोगी वस्तूंचे स्टॉल्स लावण्यात येणार आहेत.असे कीर्ती अग्रवाल यांनी नमूद केले.दिपावली निमित्त महिलांसह जालनेकरांना सर्व काही एकाच ठिकाणी खरेदी करण्याची विनाशुल्क संधी यानिमित्ताने उडान ग्रुप तर्फे उपलब्ध करून देण्यात आली असून महिलांसह जालनेकरांनी या संधीचा लाभ घ्यावा. असे आवाहन संस्थापिका कीर्ती अग्रवाल यांच्या सह उडान ग्रुप च्या वतीने करण्यात आले आहे.
