जालना । जिल्हा कौशल्य विकास, रोजगार व उद्योजकता मार्गदर्शन केंद्र, जालना व मत्स्योदरी शिक्षण संस्थेचे कॉलेज ऑफ इंजिनीअरिंग ॲण्ड टेक्नॉलॉजी यांचे संयुक्त विद्यमाने दिनांक 19 ऑक्टोबर 2022, बुधवार रोजी मत्स्योदरी शिक्षण संस्थेचे कॉलेज इंजिनीअरिंग ॲण्ड टेक्नॉलॉजी नागेवाडी, जालना येथे सकाळी 9 ते दु. 4 वाजेपर्यंत पंडित दीनदयाळ उपाध्याय रोजगार मेळावा आयोजित करण्यात आला आहे. यासाठी 710 रिक्तपदे उपलब्ध झाली आहेत. आणखी काही पदे उपलब्ध होत आहेत. यासाठी नोकरी इच्छुक उमेदवारांनी प्रत्यक्ष उपस्थित राहून उपलब्ध संधीचा लाभ घ्यावा.
रोजगार कार्यालयाकडील नोंदणीकृत उमेदवारांना रोजगार उपलब्ध होण्यासाठी सहाय्य होण्याच्या दृष्टीने हा रोजगार मेळावा आयोजीत करण्यात येत आहे. या मेळाव्यात रोजगार देणा-या विविध नामांकित कंपन्या व नियोक्ते उपस्थित राहुन व प्रत्यक्ष मुलाखती घेवून उमेदवारांची निवड करणार आहे.
या सुवर्ण संधीचा जास्तीत जास्त नोकरी ईच्छूक उमेदवारांनी लाभ घ्यावा. तसेच, उमेदवारांनी याचा लाभ घेण्यासाठी किमान पाच प्रतीत बायोडाटा व फोटो आणि आधारकार्ड, सेवायोजन नोंदणी कार्ड, इ. कंपनींना देण्यासाठी सोबत ठेवावे. नोकरी इच्छुक उमेदवारांनी अद्याप पर्यत सेवायोजन नोंदणी केली नसल्यास WWW.rojgar.mahaswayam.gov.in या संकेतस्थळावर नोंदणी करावी किंवा यापुर्वी महास्वयंम वेबपोर्टलवर नोदणी केली असल्यास वरील रिक्तपदे व पात्रतेप्रमाणे मॅचिंग होणा-या पदांसाठी ऑनलाईन ॲप्लाय करुन लॉगीन करावे आणि प्रत्यक्ष मुलाखतीसाठी रोजगार मेळावा ठिकाणी सकाळी 9 वाजता उपस्थित राहावे .
तसेच, भरती इच्छुक नियोक्ते व उद्योजकांनी जास्तीत जास्त रिक्तपदे WWW.rojgar .mahaswayam.gov.in या संकेतस्थळावर आपल्या लॉग-ईनद्वारे पंडित दीनदयाळ उपाध्याय रोजगार मेळावा जालना 3 (2022-2023) यामध्ये भरण्यात यावी. याबाबत काही अडचण आल्यास सहाय्यासाठी कार्यालयाच्या 02482-299033 या दूरध्वनीवर कार्यालयीन वेळेत संपर्क करावा किंवा [email protected] या ई-मेलवर संपर्क करावा. या मेळाव्याचा जास्तीत जास्त भरती इच्छुक नियोक्ते आणि नोकरी ईच्छूक उमेदवारांनी उपस्थित राहुन लाभ घ्यावा असे आवाहन संपत चाटे, सहायक आयुक्त, कौशल्य विकास, रोजगार व उद्योजकता, जालना यांनी केले आहे.
